პარიზში ბატაკლანის საკონცერტო დარბაზი ბრიტანელი მომღერლის სტინგის კონცერტით გაიხსნება, მას შემდეგ, რაც იქ ტერორისტული ორგანიზაცია ე.წ. ისლამური სახელმწიფოს მებრძოლებმა 90 ადამიანი მოკლეს. შემთხვევიდან ერთი წლის შემდეგ, კონცერტს ტერაქტს გადარჩენილებიც დაესწრებიან. ამის შესახებ ინფორმაციას BBC ავრცელებს.

ტერორისტები ბატაკლანს 2015 წლის 13 ნოემბერს დაესხნენ თავს. ამერიკული კგუფის Eagles-ის კონცერტს დაახლოებით 1500 ადამიანი ესწრებოდა, როდესაც შეიარაღებული პირები შეიჭრნენ დარბაზში და ცეცხლი გახსნეს. ტერაქტის დროს ბარებზე, რესტორნებსა და საკონცერტო დარბაზზე თავდასხმისას, 130 ადამიანი დაიღუპა. ტერაქტზე პასუხისმგებლობა ე.წ. ისლამურმა სახელმწიფომ აიღო.

სალაჰ აბდესლამი ტერაქტიდან რამდენიმე თვეში ბრიუსელში დააკავეს და მისი საფრანგეთში ექსტრადირებიდან დღემდე, დუმილის უფლებით სარგებლობს. საფრანგეთის ციხეში აბდესლამს 24 საათის განმავლობაში აკვირდებიან. გამოძიება ჯერ კიდევ ადგენს თუ რა როლი ჰქონდა მას ტერაქტის მოწყობისას.