კროკსის ბრენდმა გადაწყვიტა, რომ სამედიცინო პერსონალს ცნობილი, მოსახერხებელი ქოშები უფასოდ გადასცეს. კომპანია ამერიკის საავადმყოფოებს ყოველდღიურად 10 000 წყვილს გადასცემს.

"ბოლო კვირის განმავლობაში ჩვენ ვესაუბრეთ ჯანდაცვის სფეროში დასაქმებულებს, დაწესებულებების წარმომადგენლებს, მათ ოჯახებსა და მეგობრებს და მათ ჩვენი ქოშები მოითხოვეს — რადგან კროკსების მოხმარება კომფორტულია ასეთ სიტუაციაში და მათი გაწმენდა მარტივიცაა, სახლში, ოჯახებთან დაბრუნდების წინ", — განაცხადა კომპანიის გენერალურმა დირექტორმა ენდრიუ რიზმა.

კროკსები რეზინის მსგავსი პოლიმერული ნაწარმია, რომელიც წყალს არ იწოვს და მარტივად იწმინდება. მისი გამოყენება მარტივია იმ უსაფრთხოების ზომების დაცვისას, რომლებიც კორონავირუსის გავრცელების პრევენცისთვის ტარდება.

კომპანია აცხადებს, რომ სამედიცინო პერსონალს იქამდე მოამარაგებს, სანამ პროდუქტის რაოდენობა არ ამოიწურება.