სოციალური დისტანციის შესამსუბუქებლად Google Earth მსოფლიოს ყველაზე გამორჩეულ ეროვნულ პარკებში ვირტუალურ ტურებს იწყებს. ამიერიდან პლანეტის მეორე მხარეს თვალწარმტაცი ადგილების მონახულება სახლიდან გაუსვლელად შეგვიძლია. სანამ ყველანი კორონავირუსის გავრცელების შესაჩერებლად სახლში ვრჩებით, ამერიკის ეროვნულ პარკებს მხოლოდ ერთი "კლიკი" გვაშორებს. Google Earth-ით შეგვიძლია ვნახოთ დიდი კანიონის ვრცელი ხედები, ევერგლეიდის ალიგატორები თუ იელოუსტონის შთამბეჭდავი გეიზერები დიდ პრიზმულ წყაროსთან ერთად.

იოსემიტში აღმოჩენთ დიდ პანორამას და გრანიტის მონოლითებს — El Captian და Half Dome-ს, 739 მეტრიან ჩანჩქერებს, რომლებიც ნოემბრიდან ივლისამდე წყალუხვობით გამოირჩევა და "გაივლით" სალაშქრო გზებს, რომელიც სექვოიას ხეებს შორისაა გაკვალული.

ჯოშუას ხის ეროვნულ პარკში, კალიფორნიაში, უდაბნოს ბუჩქნარში და კაკტუსებში "ამოყოფთ თავს" ან დაათვალიერებთ ხედებს პარკის ყველაზე მაღალი წერტილიდან — Keys View-დან.

და, რა თქმა უნდა, ნახავთ დიდი კანიონის ეროვნულ პარკს არიზონაში, თავბრუდამხვევი, ვრცელი ხედებით. Yavapai Point-დან კი კანიონის ქედებისა და კოლორადოს მდინარის პანორამული ხედებით დატკბებით.

ქვემოთ ნახავთ ფოტოებს იმ პარკებიდან, რომელიც Google Earth-ის დახმარებით შეგიძლიათ ნახოთ, თუმცა, ეს სრული სია არაა, Google Earth-ის ვირტუალური ტურით ჯამში 31 ეროვნული პარკის ნახვაა შესაძლებელი:

დიდი კანიონის ეროვნული პარკი

ფოტო: Adi Sri / Pexels

ფოტო: Belle Co / Pexels

ფოტო: Ian Beckley / Pexels

იელოუსტოუნის ეროვნული პარკი

ფოტო: KELLY CHENG TRAVEL PHOTOGRAPHY / CountryLiving

ფოტო: Pixabay / Pexels

ფოტო: Lukas Kloeppel / Pexels

იოსემიტის ეროვნული პარკი

ფოტო: Pixabay / Pexels

ფოტო: Checubus / Shutterstock

ფოტო: Mike Ver Sprill / Shutterstock

ჯოშუას ხის ეროვნული პარკი

ფოტო: Gary C. Tognoni / Shutterstock

ფოტო: James Lee / Pexels

ფოტო: Sierralara / Shutterstock