ჯანდაცვის მინისტრის პირველი მოადგილის, თამარ გაბუნაის თქმით, ორშაბათიდან ხელმისაწვდომი იქნება ალგორითმი, რომლის მოთხოვნებიც სწრაფი ტესტების შემოტანისა და ჩატარების მსურველებმა უნდა დააკმაყოფილონ. ამ თემაზე გაბუნიამ მთავრობის ბრიფინგზე ისაუბრა.

"განისაზღვრა სად, რა პირობებში, ვის მიერ შეიძლება ტესტის ჩატარება და რა მოთხოვნებს დავაყენებთ ამისთვის. კონტროლს დაექვემდებარება ტესტირების ყველა ეტაპი, რომ ხარისხი იქნას დაცული", — თქვა თამარ გაბუნიამ.

თამარ გაბუნიამ აღნიშნა, რომ ტესტების შემოტანა რთული და საპასუხისმგებლო პროცესია, რადგან ამ მხრივ სხვასხვა კომპანიას სხვადასხვა გამოცდილება აქვს. მისი თქმით, სამინისტროსთვის მნიშვნელოვანია ტესტის დაშვება იყოს უსაფრთხო.