ბუნებრივი აირის მიმწოდებლები და საგანგებო მდგომარეობა — იქნება თუ არა შეღავათები
ქვეყანაში კორონავირუსით გამოწვეული მდგომარეობის გამო მოქალაქეთა ნაწილს შემოსავლის წყარო შეუმცირდა, ზოგიერთმა სამსახური დაკარგა ან დროებით უხელფასო შვებულებაში გასვლა მოუწია. მთავრობაში აცხადებენ, რომ კრიზისულ ბიუჯეტზე მუშაობენ. ფინანსთა მინისტრმა, ივანე მაჭავარიანმა თქვა, რომ საუბარია სოციალური დაცვის მექანიზმებზე, მათ შორის "რაღაც ტიპის დენის ვაუჩერზე". თუმცა, რას გეგმავს მთავრობა კომუნალური გადასახადების კუთხით ჯერჯერობით უცნობია.
ეკონომიკის მინისტრის, ნათია თურნავას თქმით, კი კომუნალური მომსახურების მომწოდებელ კომპანიებს ახლა რთული პერიოდი აქვთ.
მანამ, სანამ კომუნალურ გადასახადებთან დაკავშირებით მთავრობა გადაწყვეტილებას მიიღებს, On.ge შეეცადა გაეგო, რას გეგმავენ ბუნებრივი აირის მიმწოდებელი კომპანიები ქვეყანაში შექმნილი საგანგებო მდგომარეობის გამო და ხომ არ აპირებენ აბონენტებს დავალიანების გადავადება ან სხვა სახის საშეღავათო პირობები შესთავაზონ.
სოკარ ჯორჯია გაზში აცხადებენ, რომ საგანგებო მდგომარეობის გამო რაიმე სახის საშეღავათო პირობები არ აქვთ. მათივე თქმით, შემქნილი მდგომარეობიდან გამომდინარე, კომპანიამ აბონენტებს თებერვლის თვეში დარიცხული დავალიანების გადასახდელი ვადა თითქმის 1 თვით გაუხანგრძლივა.
"საუბარია თებერვლის თვის დარიცხვაზე, რომელიც 24 რიცხვში დაირიცხა და ახლა უკვე, თითქმის 1 თვის თავზე ავალდებულებს აბონენტებს, რომ თანხა გადაიხადონ. სხვა რაიმე სახის შეღავათი არ არის, გარდა იმისა რომ აბონენტს შეუძლია დისტანციურად, მეილის საშუალებით მოგვმართოს და სერვისცენტრში დამონტაჟებულ ყუთში ჩააგდოს მათი მოთხოვნა თანხის გადანაწილებასთან დაკავშირებით. შესაბამისად, გარკვეული თვეების განმავლობაში მოახდენენ დავალების გადანაწილებას", — აცხადებენ სოკარ ჯორჯია გაზში.
საგანგებო მდგომარეობის გამო აბონენტებს დავალიანების გადახდის განსხვავებულ პირობებს არც თბილისი ენერჯიში სთავაზობენ. მათი თქმით, დაგროვილი ვალის გადანაწილება ან გადავადება აქამდე არსებული წესისამებრ, განცხადების საფუძველზეა შესაძლებელი.
"მიმდინარე დავალიანებას არ ეხება გადავადება ან გადანაწილება. როდესაც დაგროვილ ვალზეა საუბარი, ამ შემთხვევაში შესაძლებელია განცხადების საფუძველზე მოხდეს გადავადება ან გადანაწილება", — აცხადებენ თბილისი ენერჯიში.
ვარკეთილაირში ამბობენ, რომ შექმნილი მდგომარეობის გამო აბონენტებს შეღავათს უწევენ და ბუნებრივი აირის მიწოდებას არ უჩერებენ. მათივე განცხადებით, კომპანია ითვალისწინებს ქვეყანაში შექმნილ რთულ ვითარებასა და გადახდისუუნარო მოსახლეობის ზრდას და გადახდის თარიღს 21 რიცხვიდან 31 რიცხვამდე გადაავადებს.
"ჩვენ როდესაც მოგვმართავენ, იმის მიხედვით ახლა რა მდგომარეობაცაა, ჩვენ ჩვეულებრივად შეღავათებს ვუკეთებთ როგორც გვთხოვენ. საგანგებო მდგომარეობის გამო დავალიანების გამო გაზს ჩვენ არ ვთიშავთ", — აცხადებენ ვარკეთილაირში.
კიდევ ერთ კომპანიაში, ენერგოკავშირში, რომელიც ბუნებრივ აირს თბილისის ზოგიერთ უბანს აწვდის, ამბობენ, რომ საგანგებო მდგომარეობის გამო "ჯერჯერობით არაფერი შეუცვლიათ".
On.ge ბუნებრივი აირის რეგიონებში მიმწოდებელ რამდენიმე კომპანიასაც დაუკავშირდა, რომელთაც საგანგებო მდგომარეობის გამო ჯერჯერობით მომსახურების პირობები არ შეუცვლიათ და არც აპირებენ. ზოგიერთი მათგანი კი, მაგალითად, სენაკის გაზი სემეკის გადაწყვეტილებას ელის.
"პასუხს ვერ გაგცემთ. ეს, როგორც ასეთი, სემეკის განკარგულებიდან უნდა მოდიოდეს", —აცხადებენ სენაკის გაზში.
ოპოზიციის წარმომადგენლები კი ხელისუფლებას კონკრეტული ხარჯების შემცირებას და სანაცვლოდ კომუნალური ვაუჩერების დარიგებას ურჩევენ.
ევროპული საქართველო ხელისუფლებას მოუწოდებს, რომ მომდევნო 8 თვის მანძილზე საპენსიო შენატანი შეაჩერონ და დანაზოგი ფულით 120-ლარიანი საყოველთაო კომუნალური ვაუჩერები დაარიგოს. მათი განმარტებით, საპენსიო შენატანის 8 თვით შეჩერებით, სახელმწიფოს 130 მილიონი ლარზე მეტი გამოუთავისუფლდება, რაც ეყოფა 120 ლარიანი ვაუჩერის დარიგებას ყველა იმ ოჯახისთვის, ვისი წლიური შემოსავალიც 40 ათას ლარს არ აჭარბებს.
ერთიანი ნაციონალური მოძრაობა კი გამოდის ინიციატივით, კორონავირუსის გამო უმუშევრად დარჩენილი პირების ოჯახებს მთავრობამ 100-ლარიანი ვაუჩერი დაურიგოს, რომელიც მათ 4 თვის განმავლობაში გადაეცემათ და ჯამში ერთ ოჯახზე 400 ლარი დაიხარჯება. პარტიის განმარტებით, დაფინანსების წყარო სამივლინებო ხარჯები, მთავრობის სარეზერვო ფონდი და პრემია-დანამატების შემცირება უნდა იყოს. მათივე განცხადებით, დახმარების პაკეტისათვის საჭირო თანხა 25 მილიონი ლარია, რომელიც 60 ათას ოჯახზე უნდა გადანაწილდეს.
გაიგეთ მეტი:
-
გადახედვარა ასაკში მიაჩნიათ ადამიანი ხანდაზმულად რა ასაკში მიაჩნიათ ადამიანი ხანდაზმულად
-
გადახედვამკვლევრებმა კოსმოსში ახალი მოლეკულა აღმოაჩინეს მკვლევრებმა კოსმოსში ახალი მოლეკულა აღმოაჩინეს
-
გადახედვაშესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა შესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა
-
-
-
გადახედვაბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ ბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ
-
-
გადახედვამესტიის მერი დეკლარაციაში ქონებას მალავს — TI მესტიის მერი დეკლარაციაში ქონებას მალავს — TI
-
-
-
გადახედვაროდის გაჩნდნენ დედამიწაზე მანათობელი ცხოველები? — კვლევა როდის გაჩნდნენ დედამიწაზე მანათობელი ცხოველები? — კვლევა
-
გადახედვაბრძოლა გრძელდება, აქციებზე შევხვდებით — ლაზარე გრიგორიადისის პირველი განცხადება გათავისუფლების შემდეგ ბრძოლა გრძელდება, აქციებზე შევხვდებით — ლაზარე გრიგორიადისის პირველი განცხადება გათავისუფლების შემდეგ
-
გადახედვალაზარე გრიგორიადისი თავისუფალია ლაზარე გრიგორიადისი თავისუფალია
-
გადახედვაშეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია შეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია
-
-
-
გადახედვასალომე ზურაბიშვილმა ლაზარე გრიგორიადისი შეიწყალა სალომე ზურაბიშვილმა ლაზარე გრიგორიადისი შეიწყალა
-
გადახედვა"იდენტიფიცირებულნი იქნებიან ის პირები, რომლებიც აქციის მონაწილეებს საავტომობილო გზების პარალიზებისკენ მოუწოდებენ" — შსს-ს განცხადება "იდენტიფიცირებულნი იქნებიან ის პირები, რომლებიც აქციის მონაწილეებს საავტომობილო გზების პარალიზებისკენ მოუწოდებენ" — შსს-ს განცხადება
-
გადახედვანახეთ: მზეზე ერთდროულად 4 ამოფრქვევა მოხდა — უიშვიათესი მოვლენა ნახეთ: მზეზე ერთდროულად 4 ამოფრქვევა მოხდა — უიშვიათესი მოვლენა
-
გადახედვადააკავეს 2 პირი, რომლებმაც მოქალაქეებს, სიცოცხლის მოსპობის მუქარით, დიდი ოდენობით თანხა გამოსძალეს დააკავეს 2 პირი, რომლებმაც მოქალაქეებს, სიცოცხლის მოსპობის მუქარით, დიდი ოდენობით თანხა გამოსძალეს
-
კომენტარები