ფინანსთა მინისტრის, ივანე მაჭავარიანის განცხადებით, ინკასო არამხოლოდ TV პირველსა და მთავარ არხს, არამედ რამდენიმე ათას კომპანიას დაედო. მისი განმარტებით, კორონავირუსით გამოწვეული ეკონომიკური კრიზისის დროს მთარობამ შეღავათები შესთავაზა მხოლოდ იმ სექტორს, რომელიც ყველაზე მეტად დაზარალდებოდა, სხვა სექტორებზე კი ეს არ ვრცელდება.

"ყველა დანარჩენი სფერო ჩვეულებრივად ფუნქციონირებს და ინკასოს დადებაც ავტომატურად ხდება. ამიტომ აქ არანაირად ტელევიზია და რამე სხვა კომპანია არანაირ გამონაკლისს არ წარმოადგენს", — განაცხადა მან.

დღეს, 20 მარტს TV პირველმა და მთავარმა არხმა განაცხადეს, რომ მათ ანგარიშებს ინკასო დაედო.