მწვანე სკოლა წინააღმდეგობის მოძრაობას უერთდება და დროებით სასწავლო პროცესს აჩერებს. ამის შესახებ დაწესებულებამ სოციალურ ქსელში განცხადება გაავრცელა:

"ქვეყანაში არსებული სიტუაციის გათვალისწინებით გაცნობებთ, რომ ჩვენი სკოლა ერთგული რჩება საქართველოს კონსტიტუციის და უერთდება არსებულ წინააღმდეგობის მოძრაობას.

ვთვლით, რომ ქვეყნის პროგრესისთვის განათლების ევროპული გზა და ღირებულებები შეუცვლელია.

მხარს ვუჭერთ თითოეულ მოქალაქეს, რომელიც ცხადად აფიქსირებს საკუთარ აზრს ქვეყნის ნათელი მომავლისთვის ბრძოლის გზაზე.

შესაბამისად, მივიღეთ გადაწყვეტილება, დროებით შევაჩეროთ სასწავლო პროცესი, რათა დავიცვათ მოქალაქის ფუნდამენტური პრინციპი — ჰქონდეს გამოხატვის თავისუფლება", — ვკითხულობთ ფეისბუკზე გამოქვეყნებულ პოსტში.