რადიო თავისუფლების ინფორმაციით, ტელეკომპანია რუსთავი 2 ორმა ჟურნალისტმა, მარიამ ჯანელიძემ და ბექა პატურაშვილმა დატოვა. მედიას ინფორმაცია თავად მარიამ ჯანელიძემ დაუდასტურა, რომელიც ბექა პატურაშვილის მეუღლეცაა.

ჯანელიძეს თქმით, მათი ეს ნაბიჯი უკავშირდება ქართული ოცნების გადაწყვეტილებას შეაჩეროს ევროინტეგრაცია და ბოლო ორი ღამის განმავლობაში პოლიციის ძალადობას საპროტესტო აქციის მონაწილეებსა და ჟურნალისტებზე.

ამასთან, მისი თქმით, არხის დატოვებას ის და პეტრუაშვილი დიდი ხნის განმავლობაში განიხილავდნენ, ხოლო საბოლოოდ დღეს მიიღეს გადაწყვეტილება.

"ჩვენი შეხედულებების გამო მივიღეთ ეს გადაწყვეტილება… ქვეყანაში მიმდინარე მოვლენებიდან გამომდინარე", — თქვა ჯანელიძემ რადიო თავისუფლებასთან საუბარში და კითხვაზე, გულისხმობს თუ არა ის პრემიერ-მინისტრის, ირაკლი კობახიძის განცხადებას მოლაპარაკებების დაწყების გადავადებაზე, მან უპასუხა

"კი, კი, რა თქმა უნდა… იქიდან გამომდინარე რაც ქუჩაში ხდება. ჩვენს კოლეგებზე თავდასხმისა და მიმდინარე ამბების გამო", — თქვა მან.