Ekhokavkaza-ს ცნობით, უკრაინულ მედიაში ვრცელდება ინფორმაცია, რომ მიხეილ სააკაშვილის ოდესის გუბერნატორის პოსტიდან გადაყენება ჯერ კიდევ ზაფხულში იყო დაგეგმილი, თუმცა, მხოლოდ იმიტომ გადაიდო, რომ პოლიტიკოსს გარკვეული ვალდებულებები ჰქონდა აღებული.

როგორც უკრაინის პრეზიდენტის ადმინისტრაციიდან ერთ-ერთი წყარო იტყობინება, მიხეილ სააკაშვილმა და პეტრო პოროშენკომ პირად საუბარში მოილაპარაკეს, რომ ოდესის მისი გადაყენება მასზე დაკისრებული მოვალეობების, კერძოდ, ოდესა-რენის გზის მშენებლობის, გამო გადაიდებოდა.

თუმცა, აღნიშნულის შემდეგ, 7 ნოემბერს, სააკაშვილი კი არ გადააყენეს, არამედ თავად დატოვა ოდესის გუბერნატორის თანამდებობა. გუშინ გამართულ საგანგებო ბრიფინგზე მან უკრაინის პრეზიდენტი გააკრიტიკა და განმარტა, რომ უკრაინის კორუფციისგან გათავისუფლებისთვის ბრძოლას ისევ გააგრძელებს.