ჯანდაცვის მინისტრის, ეკატერინე ტიკარაძის განცხადებით, მთავრობა განიხილავს ევროპული საქართველოს ინიციატივას საპენსიო შენატანების გადავადების შესახებ. მისი თქმით, ამასთან დაკავშირებით კომენტარს შესაბამისი უწყება გააკეთებს.

ევროპულმა საქართველომ მოუწოდა ხელისუფლებას, რომ კორონავირუსის გამო 8 თვით შეაჩერონ საპენსიო შენატანები. მათი თქმით, ეს მეტ ფულს დაუტოვებს მოქალაქეებს, დადებით გავლენას იქონიებს ეკონომიკური ზრდის ტემპზე და შეაცერებს ფასების ზრდას.

"შედეგად, დასაქმებულების ჯიბეში 108.2 მლნ ლარი დარჩება, რასაც ისინი თავიანთი მზარდი ხარჯების დასაფარავად გამოიყენებენ; მეწარმეებსა და დამსაქმებლებს დარჩებათ 83.1 მლნ ლარი, რაც შეასუსტებს სამუშაო ადგილების დაკარგვას და უმუშევრობის ზრდას; სახელმწიფო ბიუჯეტში გამოთავისუფლდება 133.3 მლნ ლარი, რაც საჭირო იქნება ჯანდაცვისა და სოციალური ხარჯების დასაფარავად", — განაცხადეს პარტიაში.

კორონავირუსის გამო მთავრობამ ეკონომიკური სტიმულირების გეგმა წარადგინა, რომლისთვისაც მილიარდი ლარია მობილიზებული. გეგმა ბანკებთან შეთანხმებით სასესხო ვალდებულებების გადავადებას ითვალისწინებს. ასევე, ტურიზმის სექტორს ქონებისა და საშემოსავლო გადასახადი 4 თვით გადაუვადდა, 50 ნომრამდე სასტუმროებისთვის საპროცენტო განაკვეთს კი სახელმწიფო დაფარავს.

გაიგეთ მეტი: