ექვსი თვის განმავლობაში სასტუმროების ნაწილისთვის საპროცენტო განაკვეთს სახელმწიფო დაფარავს. დღეს, 13 მარტს პრემიერ-მინისტრმა გიორგი გახარიამ ეკონომიკური სტიმულირების გეგმა გუნდთან ერთად წარადგინა. გეგმის ფარგლებში, სასტუმროების ზომა გაიზარდა და 4 ნომრიდან 50 ნომრამდე სასტუმროებისთვის საპროცენტო მომსახურებას სახელმწიფო დაფარავს. პრემიერის თქმით, ეს შეეხება დაახლოებით 2 000 სასტუმროს.

"სასტუმრო ბიზნესისთვის, სასესხო მომსახურეობის კომპონენტის საპროცენტო განაკვეთის დაფინანსების მექანიზმი კარგად აპრობირებულია. გავზარდეთ სასტუმროების ზომა, 4 ნომრიდან 50 ნომრამდე სასტუმროებისთვის საპროცენტო განაკვეთს მოემსახურება სახელმწიფო", — ამბობს გიორგი გახარია.

12 მარტის მთავრობის სხდომაზე პრემიერ-მინისტრმა ეკონომიკურ გუნდს დაავალა კორონავირუსის გამოწვევების ფონზე შეიმუშავონ "ეკონიომიკური სტიმულირების გეგმა". გიორგი გახარიას განცხადებით, ყველაფერი უნდა გაკეთდეს იმისთვის, რომ ეფექტურად უპასუხონ გამოწვევებს.

11 მარტს ჯანდაცვის მსოფლიო ორგანიზაციამ COVID-19, იგივე კორონავირუსი, რომელმაც გავრცელება 3 თვის წინ დაიწყო, საერთაშორისო პანდემიად გამოაცხადა.

საქართველოში კორონავირუსით ინფიცირების 24 შემთხვევაა დადასტურებული: პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს, 7 მარტს კორონავირუსით ინფიცირების კიდევ 4 შემთხვევა დადასტურდა, 9 მარტს კორონავირუსი 2 პაციენტს დაუდასტურდა, 10 მარტს კი კორონავირუსის კიდევ 8 შემთხვევა დადასტურდა, კიდევ 1 შემთხვევა კი — 11 მარტს.

ასევე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: