დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

გერმანიაში, ქალაქ მიუნხენში საქათველოს ერთ მოქალაქეს კორონავირუსი დაუდასტურდა. ინფორმაციას ამის შემსახებ საგარეო საქმეთა სამინისტროში ადასტურებენ.

უწყების ინფორმაციით, საკონსულო მასთან მუდმივარ კონტაქტზე რჩება და საჭიროების შემთხევავში აღმოუჩენს დახმარებას.

"მოქალაქეს მისივე ინფორმაციით და გერმანელი მედიკოსების ცნობით აქვს ვირუსის მსუბუქი ფორმები. იგი არ ექვემდებარება სტაციონალურ მკურნალობას და მკურნალობას გადის ადგილზე გერმანელი მედიკოსების მეთვალყურეობის და მონიტორინგის ქვეშ", — ამბობენ საგარეო საქმეთა სამინისტროში.

უწყება უარყოფს მედიით გავრცელებულ ინფორმაციას, რომ პაციენტი რამდენიმე დღის განმავლობაში ცდილობდა საელჩოს დაკავშირებოდა ცხელ ხაზზე. მათი თქმით, ინფიცირებული არ რეკავდა გერმანიაში საქართველოს საელჩოს და სამივე საკონსულო ოქლის მითითებულ ცხელ ხაზზე. ის რეკვდა სხვა ნომერზე.

14 მარტს კორონავირუსი დაუდასტურდათ ათენში და მადრიდში მყოფ საქართველოს მოქალაქეებსაც.

დღეს,საქართველოში კორონავირუსით ინფიცირების კიდევ 5 შემთხვევა დადასტურდა და ინფიცირებულების რაოდენობა 30-მდე გაიზარდა. ქვეყანაში პირველად დაფიქსირდა მესამეული გადაცემა, ანუ შიდა გადაცემის ფაქტი.

პანდემია და რეკომენდაციები

მას შემდეგ, რაც ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა, საქართველოს მთავრობა მუშაობის საგანგებო რეჟიმზე გადავიდა და ახალი შეზღუდვები და რეკომენდაციები გაავრცელა.

საქართველოში კორონავირუსით ინფიცირების 30 შემთხვევაა დადასტურებული: პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს, 7 მარტს კორონავირუსით ინფიცირების კიდევ 4 შემთხვევა დადასტურდა, 9 მარტს კორონავირუსი 2 პაციენტს დაუდასტურდა, 10 მარტს კი კორონავირუსის კიდევ 8 შემთხვევა დადასტურდა, კიდევ 1 შემთხვევა კი — 11 მარტს, 25-ე შემთხვევა 12 მარტს დადასტურდა.

ასევე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: