დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

კორონავირუსის გამო საქველმოქმედო რბენა Wings for Life World Run მთელ მსოფლიოში გადაიდო. ამის შესახებ ინფორმაცია ორგანიზაციის ვებგვერდზე გამოქვეყნდა.

საქართველოში რბენა 3 მაისს კახეთში იყო დაგეგმილი, თუმცა ადგილობრივი გუნდის განცხადებით, ეს ღონისძიებაც გაუქმდა. მათი თქმით, გაუქმდა რბენა ფინიშის მანქანის თანხლებით (13 ლოკაცია) და ორგანიზებული რბენა აპლიკაციით. თუმცა, ორგანიზაციაში აცხადებენ, რომ სურვილის შემთხვევაში, მონაწილეებს შეუძლიათ ირბინონ ინდივიდუალურად, აპლიკაციით, ნებისმიერი ადგილიდან.

მათივე თქმით, Wings for Life ფონდი გააგრძელებს საქმიანობას და დონაციით მიღებულ თანხას ისევ ზურგის ტვინის დაზიანების განკურნების გზების ძიებას მოახმარს.

კორონავირუსის პანდემიად გამოცხადების შემდეგ საქართველოსა და მსოფლიოში გაუქმდა როგორც სპორტული, ასევე, სხვა საჯარო ღონისძიებების დიდი ნაწილი.

პანდემია და რეკომენდაციები

მას შემდეგ, რაც ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა, საქართველოს მთავრობა მუშაობის საგანგებო რეჟიმზე გადავიდა და ახალი შეზღუდვები და რეკომენდაციები გაავრცელა.

საქართველოში კორონავირუსით ინფიცირების 25 შემთხვევაა დადასტურებული: პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს, 7 მარტს კორონავირუსით ინფიცირების კიდევ 4 შემთხვევა დადასტურდა, 9 მარტს კორონავირუსი 2 პაციენტს დაუდასტურდა, 10 მარტს კი კორონავირუსის კიდევ 8 შემთხვევა დადასტურდა, კიდევ 1 შემთხვევა კი — 11 მარტს, 25-ე შემთხვევა 12 მარტს დადასტურდა.

ასევე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: