შვედური ბრენდი H&M პრეს რელიზს ავრცელებს, სადაც წერს, რომ პირველი მაღაზია საქართველოში 2017 წელს გაიხსნება. მათივე ცნობით, ხელშეკრულებას ხელი უკვე მოეწერა, მეტი ინფორმაცია კი მოგვიანებით გახდება ცნობილი.

2017 წელს მაღაზია ასევე გაიხსნება კოლუმბიაში, ისლანდიასა და ყაზახეთში.

სექტემბერში, საქართველოს თანაინვესტირების ფონდმა On.ge-ს არ დაუდასტურა გავრცელებული ინფორმაცია, რომ H&M საქართველოს ბაზარზე შემოდის. საზოგადოებასთან ურთიერთობის სამსახურმა განმარტა, რომ მათ ბევრ საერთაშორისო ბრენდთან აქვთ მოლაპარაკება, თუმცა ის თუ რომელი ბრენდების შემოყვანას გეგმავენ კონფიდენციალურია.