ალგანის ცოცხალი ძალის უფროსმა, ზვიად მურმანიშვილმა, On.ge-ს განუცხადა, რომ ძაღლის ცემის ფაქტზე ბლრალდებული მათი თანამშრომელი დროებით გათავისუფლებულია:

"გამოძიების დასრულებამდე ჩვენ გავათავისუფლეთ ის ადამიანი, ამ ეტაპზე ჩვენთან აღარ მუშაობს და გამოძიების დასრულებას ველოდებით".

როგორც შინაგან საქმეთა სამინისტროს პრესსამსახურის წარმომადგენელმა გვითხრა, გამოძიება ადმინისტრაციულ სამართალდარღვევათა კოდექსის 104-ე მუხლითაა დაწყებული, რაც ცხოველებისადმი სასტიკ მოპყრობას გულისხმობს.

აღნიშნული მუხლის თანახმად, ცხოველებისა და ფრინველებისადმი სასტიკი მოპყრობა, რასაც მათი დაღუპვა ან დასახიჩრება მოჰყვა, აგრეთვე ცხოველებისა და ფრინველების წვალება, გამოიწვევს დაჯარიმებას შრომის ანაზღაურების ერთ მინიმალურ ოდენობამდე.

თვითმხილველმა ანა აბაკელიამ ფეისბუკზე 5 ნოემბერს ატვირთა ვიდეო, სადაც ჩანს, მამაკაცი ჯოხით როგორ უსწორდება მაღაზიის შესასვლელში მოკალათებულ უპატრონო ძაღლს. სწორედ აღნიშნული მამაკაცია ალგანის თანამშრომელი.