27 თებერვალს საოკუპაციო რეჟიმის მიერ გატაცებული ელდარ გუნდიშვილი, რომელსაც სხეულზე დაზიანებები აქვს ფორმულასთან ინტერვიუში ამბობს, რომ დაკავების დროს საოკუპაციო რეჟიმის წარმომადგენლებმა "წააქციეს" და "ათრიეს".

გატაცების შემთხვევას იხსენებს ელდარ გუნდიშვილის ცოლიც და ამბობს, რომ დაინახა, როგორ ადგნენ მის წაქცეულ ქმარს თავზე "რუსი ჯარისკაცები".

ელდარ გუნდიშვილის დაზიანებები შეისწავლა საოკუპაციო რეჟიმის უკანონო ტყვეობაში ნამყოფმა ექიმ-ტრავმატოლოგმა ვაჟა გაფრინდაშვილმაც. როგორც გაფრინდაშვილი ამბობს, ყველა გატაცებულ ადამიანს მთავრობაც უნდა დაუდგეს გვერდში, რათა "თავი დამცირებულად" არ იგრძნონ.

აღნიშნულთან დაკავშირებით On.ge სახელმწიფო უსაფრთხოების სამსახურსაც დაუკავშირდა და მათ პასუხს მიღებისთანავე შემოგთავაზებთ.