საქართველოს პრეზიდენტის, სალომე ზურაბიშვილის განცხადებით, ქართული ჯარი სახელმწიფოს მთავარი დამცველი და მისი მთავარი საყრდენია. მისი თქმით, საზღვრების დაცვა იწყება ერისა და სახელმწიფოს ღირსების დაცვით, როგორც ქვეყანაში, ისე მის გარეთ.

"გააზრებული, გაცნობიერებული ისტორია ედება საფუძვლად ერის მომავალს.
ერთობის ერთ-ერთი აუცილებელი პირობაა, ქვეყანამ დაიბრუნოს საკუთარი ღირებულებები, რომლებიც შეკრავს საზოგადოებას და, შესაბამისად, სახელმწიფოს.
ამ იდენტობასა და ღირებულებებზე დგას ქართული ჯარი", — განაცხადა მან.

სალომე ზურაბიშვილი საზოგადოების, ოპოზიციისა და სამთავრობო გუნდის ზოგიერი წევრის კრიტიკის ობიექტი გახდა მას შემდეგ, რაც განაცხადა, რომ "არც ჯარი გვაქვს, არც იარაღი და არც გვექნება". მოგვიანებით ადმინისტრაციამ განმარტა, რომ პრეზიდენტის განცხადებას ინტერპრეტაცია მოყვა და ეს ბულინგია.

საქართველოს პრეზიდენტი სალომე ზურაბიშვილი დღეს, 4 მარტს პარლამენტის წინაშე ყოველწლიური მოხსენებით წარსდგა. ოპოზიცია, რომელიც ბოიკოტის რეჟიმშია პრეზიდენტის გამოსვლას არ ესწრებოდა. ზურაბიშვილს ბოიკოტი გამოუცხადა ფრაქცია დამოუკიდებელმა დეპუტატებმაც.

გაიგეთ მეტი პრეზიდენტის პარლამენტში გამოსვლაზე: