საქართველოს პრეზიდენტის, სალომე ზურაბიშვილის აზრით, მიგრაციას არამხოლოდ უმუშევრობა, არამედ სიძულვილი და აგრესია იწვევს. ამის შესახებ პრეზიდენტმა პარლამენტში, ყოველწლიური მოხსენების დროს ისაუბრა. ზურაბიშვილმა აღნიშნა, რომ მიგრაცია ეპოქის და ჩვენი ქვეყნის დიდი გამოწვევაა.

"კარგად ვიცით, რომ ქვეყანაში საკმაოდ მაღალია უმუშევრობის დონე, მაგრამ ამავე დროს პრაქტიკულად ყველა სფეროში პროფესიონალების დეფიციტიცაა. ამ ორი ტენდენციის ერთგვარად დაბალანსება, ანუ პროფესიონალიზმის ამაღლება და საკუთარი ძალების მოზიდვა, უნდა იყოს ჩვენი ყოველდღიური ზრუნვის საგანი. გვჭირდება დიასპორასთან უწყვეტი კავშირი და არა იქ ჩვენი ვიწრო პოლიტიკური დაპირისპირების გადატანა. ცხადზე ცხადია, რომ მიგრაციის ერთ-ერთი მკვებავი აგრესია, შეურაცხყოფა და სიძულვილია", — თქვა სალომე ზურაბიშვილმა.

პრეზიდენტის აზრით, აგრესია ახალგაზრდებს საქართველოდან წასვლისკენ უბიძგებს.

საქართველოს პრეზიდენტი სალომე ზურაბიშვილი დღეს, 4 მარტს პარლამენტის წინაშე ყოველწლიური მოხსენებით წარსდგა. ოპოზიცია, რომელიც ბოიკოტის რეჟიმშია პრეზიდენტის გამოსვლას არ ესწრებოდა. ზურაბიშვილს ბოიკოტი გამოუცხადა ფრაქცია დამოუკიდებელმა დეპუტატებმაც.

გაიგეთ მეტი პრეზიდენტის პარლამენტში გამოსვლაზე: