240-დღიანი ბრძოლის შემდეგ ავსტრალიაში, ახალი სამხრეთი უელსის შტატში ტყის ხანძარი საბოლოოდ ჩააქრეს. 13 თებერვალს სახანძრო სამსახურმა განაცხადა, რომ ხანძარი ლოკალიზებული იყო, თუმცა დღეს, 3 მარტს უკვე ცნობილი გახდა, რომ ცეცხლი ლიკვიდირებულია.

მრავალთვიანი გამანადგურებელი ხანძრის შედეგად 28 ადამიანი გარდაიცვალა, დაიღუპა მილიარდი ცხოველი და ათასობით სახლი განადგურდა.

"2019 წლის ივლისის შემდეგ პირველი შემთხვევაა, როდესაც ახალ სამხრეთ უელსში ბუჩქი ან ბალახი არ იწვის", — აცხადებენ სახანძრო სამსახურში.

2019 წლის ტყის ხანძრის სეზონი ავსტრალიისთვის ერთ-ერთი ყველაზე რთული იყო. ცეცხლი ყველა შტატში გავრცელდა, თუმცა ყველაზე მეტად ახალი სამხრეთი უელსი დაზარალდა. საჭირო გახდა რამდენიმე ქალაქის ევაკუაცია და სასწავლო დაწესებულებების დაკეტვა. ჰაერის ხარისხმა კი "საშიშ" დონეს 11-ჯერ გადააჭარბა.

მეხანძრეებს რამდენჯერმე დაეხმარა გადაუღებელი წვიმაც, თუმცა ამან დატბორვა და საშინელი ქარიც გამოიწვია.

ამავე თემაზე: