პოლიტიკურმა პარტიამ ლელო საქართველოსთვის ქალთა კვირეულის ფარგლებში ქალთა საბჭო დააფუძნა და 12 ახალი ქალი წევრი წარადგინა. პრეზენტაციაზე პარტიის ლიდერმა, ბადრი ჯაფარიძემ თანაგუნდელ ქალებს ყვავილები აჩუქა. ის ამტკიცებდა, რომ ლელო პოლიტიკაში ქალთა ჩართულობის მხრივ მაგალითის მიმცემი იქნება.

"ლელოს მოდელი და ლელოს მიდგომა იქნება, რაც შეიძლება მეტი ქალი ლიდერის წინ წამოწევა, რაც შეიძლება მეტი ჩართულობა მათი პოლიტიკაში და გადაწყვეტილების მიღებაში. იმიტომ, რომ თუ დღეს რაიმე აკლია ქართულ პოლიტიკას და იმიტომაც არის წარუმატებელი, რომ მასში არ არიან ქალები, იმ ზომით და იმდენად ჩართული, რამდენითაც ეს აუცილებელია", — თქვა ბადრი ჯაფარიძემ.

ბადრი ჯაფარიძემ თქვა, რომ ქალთა საბჭოს წევრები დეა მეტრეველი, ანა ნაცვლიშვილი და სოფიო შამანიდი იქნებიან. პარტიის ახალ თორმეტეულში არიან:

  1. სოფიო შამანიდი, საქართველოს მე-4 პრეზიდენტის, მრჩეველი ეთნიკურ და რელიგიურ საკითხებში;
  2. მანანა ნაჭყებია, საქართველოს პარლამენტის ყოფილი წევრი;
  3. ეკატერინე დიასამიძე, ანთროპოლოგიის დოქტორი;
  4. სალომე ღველაძე, ლინგვისტი, ევროპათმცოდნე, არაფორმალური განათების ცენტრის თანადამფუძნებელი;
  5. თამარ იაშვილი, თსუ-ს პროფესორი, ფილოლოგიის დოქტორი;
  6. ლელა მამედოვა, უფლებადამცველი, ფილოლოგი;
  7. ნათია შარაბიძე, მეან-გინეკოლოგი, რეპროდუქტოლოგი;
  8. მანანა თევზაძე, ინგლისური ენის ფილოლოგიის მაგისტრი, ბრიტანული სკოლის დირექტორი და დამფუძნებელი;
  9. მირანდა კუპრავა, ადგილობრივი თვითმმართველობის სპეციალისტი, იმერეთის ხელოვნების საბჭოს თანადამფუძნებელი;
  10. მარიამ გოგილაშვილი, არქიტექტორი, ჟურნალისტი, ტექნიკური უნივერსიტეტის ასისტენტ-პროფესორი;
  11. მარიამ ქურდაძე, მსახიობი;
  12. რუსუდან მგელაძე, სტუდენტი.