დაავადებათა კონტროლის ცენტრის ცხელი ხაზი 116 001

დაავადებათა კონტროლის ეროვნული ცენტრის ხელმძღვანელი ამირან გამყრელიძე მოსახლეობას მოუწოდეს, რომ ვირუსების გავრცელების პერიოდში ერთმანეთთან შეხვედრის დროს თავი შეიკავონ გადაკოცვნისა და ხელის ჩამორთმევისგან.

"ძალიან გთხოვთ არ გაგეცინოთ, მაგრამ ერთი მოწოდება უნდა გავაკეთო, ჩვენ ქართველებს გვახასიათებს, რომ ვხვდებით ერთმანეთს ვკოცნით, იქნება, გთხოვთ ძალიან თავი შევიკავოთ. ეს მარტო კორონავირუსს არ ეხება, ზოგადად, ჩამოვაყალიბოთ ჩვენში ეს კულტურა.... კორონავირუსული ინფექციის გავრცელების პერიდოში, ასევე, არაა რეკომენდირებული ხელის ჩამორთმევა, ხელის აწევით ჯობია ერთმანეთს მივესალმოთ", — თქვა ამირან გამყრელიძემ.

ამირან გამყრელიძემ ბრიფინგზე განმარტა, რომ რესპირაციული ინფექციები, გრიპი და სხვა ვირუსები წვეთოვანი, აირწვეთოვანი გზითა და ახლო კონტაქტით ვრცელდება. დაავადებათა კონტროლის ეროვნულმა ცენტრმა, ასევე, გაავრცელა კორონავირუსის თავიდან ასაცილებლად საჭირო რეკომენდაციები და პრევენციისთვის საჭირო რჩევები.

26 თებერვალს საქართველოში ახალი კორონავირუსით ინფიცირების პირველი შემთხვევა დაფიქსირდა. ვირუსი დაუდგინდა საქართველოს მოქალაქეს, რომელიც აზერბაიჯანის გავლით ირანიდან საქართველოში შემოვიდა. მინისტრის თქმით, ის საბაჟოდან პირდაპირ ინფექციურ საავადმყოფოში გადაიყვანეს და სხვა ადამიანებთან შეხება არ ჰქონია. მისივე თქმით, მებაჟეები, რომლებმაც ის შეამოწმეს, პრევენციისთვის, კარანტინში მოთავსდებიან.

გაიგეთ მეტი კორონავირუსის პრევენციის შესახებ: