მას შემდეგ, რაც ადგილზე მყოფ იტალიელ ექიმს კორონავირუსი დაუდგინდა, ესპანეთში, კანარის კუნძულ ტენერიფეზე სასტუმროს კარანტინის ქვეშ ათასი სტუმარი მოყვა. ადგილზე დამსვენებლები შვებულებას ატარებდნენ.

4-ვარსკვლავიან სანაპირო სასტუმროს მენეჯერებს წერილები გაუგზავნეს და კორონავირუსის გავრცელების საფრთხის ასარიდებლად, სტუმრებს საკუთარ ნომრებში დარჩენა მოსთხოვეს. დაწესებულების დაკეტვის გადაწყვეტილება მედიცინის სპეციალისტებმა მიიღეს და სწორედ მათ რეკომენდაციებს მიჰყვება სასტუმროს ადმინისტრაციაც.

"სასტუმროს თანამშრომლებსა და მომხმარებლებს აუცილებელ ნივთებს ვაწვდით და ყურადღებას არ ვაკლებთ. იმის მიუხედავად, თუ რა გაუთვალისწინებლობა შეიძლება მოხდეს, ჩვენ მაქსიმუმს ვაკეთებთ", — აცხადებენ სასტუმროში.

თუმცა, Reuters-თან საუბარში ბრიტანელი ტურისტი უყურადღებობის გამო უკმაყოფილებას გამოთქვამს:

"ფანჯრიდან ვხედავ, რომ გარეთ დაცვის წევრები და დასაქმებულები დგანან, თუმცა ჩვენთვის ინფორმაცია არ მოუწოდებიათ".

იტალიელი ექიმი, რომელსაც კორონავირუსის დიაგნოზი დაუსვეს, იზოლირებულია და სამედიცინო ზედამხედველობის ქვეშაა. ესპანეთში ეს უკვე მეორე შემთხვევაა, როდესაც ვირუსი დადასტურდა — პირველი შემთხვევა მალიორკაზე დაფიქსირდა.

როგორც BBC იუწყება, კორონავირუსთან საბრძოლველად ამერიკა 2,5 მილიარდ დოლარს გამოყოფს. დაავადების მთავარი სიმპტომებია მაღალი სიცხე, ხველა, გახშირებული სუნთქვა და სასუნთქი გზის პრობლემები. სპეციალისტები ერთ-ერთ რეკომენდაციად ხელების ხშირ დაბანას გასცემენ.