დაავადებათა კონტროლის ცენტრის ხელმძღვანელის, ამირან გამყრელიძის თქმით, საქართველოს საზღვრებზე ირანში ნამყოფ მგზავრებსაც შეამოწმებენ. ამის შესახებ მან კორონავირუსის ეპიდსიტუაციაზე გამართულ სპეციალურ პრესკონფერენციაზე ისაუბრა:

"ჩინეთში მოგზაურობის ისტორიის მქონე მგზავრებს უტარდებოდათ თერმოსკრინინგი, ეპიდემოლოგიის კონსულტაცია, რჩევა-დარიგებები ადგილზე. ეს ყველაფერი გავრცელდება ბოლო ორი კვირის განმავლობაში ირანში ნამყოფ ადამიანებზეც. ასევე მიმდინარეობს მსჯელობა, იგივე ღონისძიების დაწყებაზე, სხვა მაღალდასენიანებული ქვეყნებიდან ჩამოდულ მგზავრებზეც. შესაბამის გადაწყვეტილებას ამაზეც მივიღებთ".

საქართველოს მთავრობამ კორონავირუსის გავრცელების ასარიდებლად ირანთან ფრენები შეზღუდა. მათი თქმით, ამ ეტაპზე გადაადგილებისთვის რჩება სახმელეთო საზღვარი, თუმცა დაწესდება მკაცრი შეზღუდვები. მათივე თქმით, საჭიროების შემთხვევაში, არ გამორიცხავენ სახმელეთო გადაადგილების შეზღუდვასაც.

საგარეო საქმეთა სამინისტროს განცხადებით, ირანიდან საქართველოში მგზავრების შემოყვანა შეჩერდება. თუმცა, ავიაკომპანიებს შესაძლებლობა ექნებათ ცარიელი თვითმფრინავებით შემოვიდნენ საქართველოს სივრცეში, რათა ტურისტად მყოფმა ირანის მოქალაქეებმა შეძლონ უკან დაბრუნება.

გაიგეთ მეტი: