ფრანგული სილამაზის ინდუსტრია არაორდინალური იდეებით, ხელოვნების დონეზე აყვანილი სალონური თავის მოვლით , პროფესიონალიზმით და ხარისხით ხასიათდება. სწორედ ასეთივე ღირებულებებზე დგას ფრანგული ბრენდი Jean Louis David, რომელიც მსოფლიო და ფრანგულ სილამაზის ინდუსტრიაში თავის უნიკალურ ნიშას იკავებს.

მნიშვნელოვანი სიახლე კი ისაა, რომ ბრენდი უკვე საქართველოშიცაა ხელმისაწვდომი. Jean Louis David-ის პირველი სილამაზის ცენტრი თბილისში 19 თებერვალს ვაკეში, აბაშიძის 41-ში გაიხსნა. ღონისძიებისთვის დედაქალაქს ეწვია PROVALLINCE ჯგუფის საერთაშორისო დეპარტამენტის დირექტორი ჯილი ბონიე, რომელმაც სიახლე თბილისში აკრედიტებული დიპლომატიური კორპუსის წარმომადგენლებს თავად წარუდგინა. ივენთზე ასევე იმყოფებოდნენ საფრანგეთის და სხვა ქვეყნების ელჩები, საფრანგეთის კონსული და საფრნგეთის სავაჭრო პალატის თავმჯდომარე და სხვა უცხოელი სტუმრები.

მარცხნიდან მარჯვნივ: ნონა მაჭავარიანი (ჟან ლუი დავიდის ოფიციალური წარმომადგენელი საქართველოში), დიეგო კოლასი (საფრანგეთის ელჩი საქართველოში), ანიკა ბერგი (საფრანგეთის კონსული საქართველოში) და ჯილ ბონიე (Provalliance ჯგუფის საერთაშორისო დეპარტამენტის დირექტორი).

მსოფლიო მასშტაბით, Jean Louis David ერთ-ერთი ყველაზე წარმატებული ბრენდია სილამაზის ინდუსტრიაში. საუკუნოვანი ისტორიის ქსელი 1961 წელს საფრანგეთში, ფრანგმა სტილისტმა, ჟან ლუი დავიდმა შექმნა. ის თმის მოვლის ნაწილში მოდის ფუძემდებლადაც ითვლება.

Jean Louis David დღეს მსოფლიოს 30 ქვეყანაში 3 ათასზე მეტი სალონით არის წარმოდგენილი. PROVALLINCE-ჯგუფში შემავალი ბრენდი ყოველწლიურად ხსნის 50-ზე მეტ ახალ ფილიალს და ემსახურება 30 მილიონზე მეტ მომხმარებელს. ახლა უკვე ბრენდით სარგებლობა თბილისელებსაც შეუძლიათ.

სილამაზის ცენტრი მომხმარებელს მომსახურების ფართო სპექტრს სთავაზობს: თმის მოვლა, მანიკური, პედიკური, ვიზაჟი და ესთეტიკური კოსმეტოლოგია. როგორც საქართველოში ბრენდის წარმომადგენლობა ამბობს, პროცედურების დროს თანამედროვე, უსაფრთხო ტექნოლოგიები და პრემიუმ კლასის ბრენდების პროდუქცია გამოიყენება.

"საქართველოში მსოფლიო ბრენდის Jean Louis David-ის შემოყვანა განაპირობა თავად მომხმარებლის მოთხოვნამ, მიიღოს საერთაშორისო სტანდარტების მომსახურება და შეიძინოს მაღალი ხარისხის, ჯანმრთელობისთვის უსაფრთხო პროდუქცია", — ამბობს ფრანგული ბრენდის ექსკლუზიური წარმომადგენელი საქართველოში, ნონა მაჭავარიანი.

სილამაზის ცენტრში ასევე გელოდებათ სკულპტურული მოდელირების სახელოსნო, რომელიც მომხმარებლებს კანის გაახალგაზრდავებას, სხეულისთვის სასურველი ფორმების მიცემას, წონაში კლებას, ცელულიტის პროფილაქტიკასა და მკურნალობას სთავაზობს. ჩამოთვლილი პროცედურები ღრმა მანუალური მასაჟის ექსკლუზიური ტექნიკებისა და თანამედროვე უსაფრთხო ტექნოლოგიების გამოყენებით სრულდება და რაც მთავარია ჯანმრთელობისათვის უსაფრთხოა.

Jean Louis David-ის წარმატებას შემდეგი ფაქტორები განაპირობებს:

  • პროფესიონალიზმი;
  • ინდივიდუალური მიდგომა;
  • წამყვანი ევროპელი მწარმოებლების, მაღალი ხარისხის კოსმეტიკური საშუალებები;
  • ახალი ტექნოლოგიები და თანამედროვე აპარატურა.

Jean Louis David-ის პროფესიონალებისგან შემდგარი შემოქმედებითი ჯგუფი წელიწადში ორჯერ მიემგზავრება პარიზში, JLD-ის აკადემიაში, რათა აიმაღლოს კვალიფიკაცია და გაეცნოს მოდისა და სილამაზის ახალ ტენდეციებს.

ეს იმას ნიშნავს, რომ თბილისის სალონის სტილისტები ჟან ლუი დავიდის თმის შეჭრისა და ღებვის ექსკლკუზიურ ტექნიკას ფლობენ, რომელიც მხოლოდ JLD-ის სალონებაში არის ხელმისაწვდომი. ამ ბრენდის ქვეშ მყოფი სალონების ქსელის თავისებურება, სილამაზის ინდუსტრიის მრავალი სხვა ბრენდისგან განსხვავებით, ისაა, რომ ის შექმნილია არა მხოლოდ როგორც ბიზნესი. წარმომადგენლები მუდმივად ცდილობენ დანერგონ ინოვაციური ტექნოლოგიები და ახალი ტენდეციები ამ ინდუსტრიაში

Jean Louis David-ის დაპირება თავის მომხმარებელს

არ მოუსმინო არავის, თუკი გეტყვიან, რომ შენ საკმარისად კარგი არ ხარ, არავის მისცე უფლება დაგიწესოს სილამაზის სტანდარტი. გაარღვიე ჩარჩოები და შექმენი შენი თავის იდეალური ვერსია ჩვენთან ერთად. შენი სილამაზის წესებსა და მიმართულებას თავად განსაზღვრავ, ჩვენ კი ყოველთვის ყველაზე ინოვაციურ, ჯანსაღ და ხარისხიან ტექნიკებს შემოგთავაზებთ მიზნის მისაღწევად.

ყოველთვის დაგეხმარებით გაიუმჯობესო და შეინარჩნო შენი სილამაზე, შენი აღქმის, მოთხოვნების და წესების მიხედვით.