გარემოს ეროვნული სააგენტოს პროგნოზით, 12 თებერვალს დღის მეორე ნახევრიდან 13 თებერვლის დილამდე დასავლეთ საქართველოში და აღმოსავლეთ საქართველოს დასავლეთ ნაწილში მოსალოდნელია ნალექი, მთაში და მაღალმთაში თოვლის სახით, ზოგან ძლიერი, ზღვაზე 4-5 ბალიანი შტორმი, მაღალმთაში ზოგან ნისლი, ქარბუქი და ზვავსაშიშროება.

12-13 თებერვალს საქართველოს მთელ ტერიტორიაზე ყინვები შედარებით შესუსტდება. 11 თებერვალს საქართველოში უნალექო ამინდი და ღამის საათებში ძლიერი ყინვებია მოსალოდნელი, ხოლო კოლხეთის დაბლობზე ღამის საათებში ჰაერის ტემპერატურა -5,-8 გრადუსამდე დაეცემა. უწყების ცნობით, ყინვები საშიშია ციტრუსოვანი კულტურებისთვის.