ავსტრალიაში გახშირებულმა ხანძრებმა, მილიარდობით ცხოველი შეიწირა, თუმცა, ერთი ავსტრალიელი ბეწვიანის ისტორია ბედნიერად დასრულდა.

მას შემდეგ რაც მანქანამ დაარტყა, ტასმანიელი იქედნე ბონორონგის ცხოველების თავშესაფარში გადაიყვანეს, სადაც საჭირო დახმარება მაშინვე აღმოუჩინეს. თუმცა, განსაკუთრებული ყურადღება ცხოველის ზომამ მიიქცია.

ფოტო: Bonorong Wildlife Sanctuary / Facebook

"თამამად შეგვიძლია ვთქვათ, რომ ასეთი მსუქანი იქედნე ჯერ არასდროს არ გვინახავს. ამ ლამაზ ქალბატონს მანქანამ დაარტყა, მაგრამ მხოლოდ სილურჯეები ჰქონდა და უკვე ველურ ბუნებაში დავაბრუნეთ. ძალიან საყვარელია, არა?" — წერია ცხოველების ადგილობრივი თავშესაფრის ფეისბუქ პოსტში.

ტასმანიელი იქედნე გარეგნობით ზღარბს ჰგავს და ჭყვიტინებს. ცხოველი ძუძუმწოვარია, მაგრამ კვერცხსაც დებს. განსაკუთრებულად საყვარელი მისი წვეტიანი დინგია.

პატარა იქედნე რომელი ავსტრალიაში ბინადრობს, დაახლოებით 35 სანტიმეტრამდე იზრდება და 2,5 კილოგრამს იწონის. ინდონეზიაში მობინადრე იქედნეები ტანით უფრო დიდები არიან და მათი ზომე 76 სანტიმეტრამდე მერყეობს, წონა კი ძირითადად 10 კილოგრამს შეადგენს.

ესეც ჩვეულებრივი ზომის იქედნე:

ფოტო: Jarrod Calati / Shutterstock

ჰმ, ახლა უკვე გასაგებია, რატომ გაუკვირდათ ვეტერინარებს მისი ამხელა მოცულობა.

სამწუხაროდ, ფუმფულას ველურ ბუნებაში გაშვების შემდეგ, არ ვიცით ის როგორ არის, თუმცა შეგვიძლია იმედი გვქონდეს, რომ კარგადაა და ბევრ ჭიანჭველებს მიირთმევს.