სვეტლანა პროფესიონალი ფოტოგრაფია, რომელიც 20 წლის წინ სამსახურიდან წამოვიდა და მას შემდეგ, ბუნების ამსახველი შთამბეჭდავი ნამუშევრების გადაღებით არის დაკავებული.

როგორც წესი, ლამაზი მთები მსოფლიოს სხვადასხვა კუთხეში ფოტოგრაფის ობიექტივის მთავარი სამიზნეა ხოლმე.

თუმცა, ამჯერად მას კიდევ უფრო მეტად გაუმართლა და ციმბირში მოგზაურობისას თვალუწვდენელ მთებთან ერთად იშვიათი ბუნებრივი ფენომენი, ფერადი ღრუბლების ციალი გადაიღო.

ნახეთ სვეტლანას ნამუშევრები:

სვეტლანას სიტყვებით, ფერადი ღრუბლები მაშინ დაინახა, როდესაც ისინი ჰორიზონტზე მზეს გაუსწორდნენ და მკვეთრად აკაშკაშდნენ.

ფოტოები ზამთრის ცივ დილას, პოლარიზაციის ფილტრით არის გადაღებული — მოვლენას მზის სხივები იწვევს, რომლებიც ყინულის კრისტალებად ქცეულ ჰაერის წყლის წვეთებზე ირეკლება.