ადამიანის უფლებათა სწავლების და მონიტორინგის ცენტრი (EMC) ბაღდათში მომხდარ ტრაგედიაზე პასუხისმგებლობას მთლიანად სახელმწიფოსა და საზოგადოებას აკისრებს. EMC-ის განცხადებაში წერია რომ, სოციალური დაცვის არსებული პოლიტიკა ვერ ახერხებს სოციალურად დაუცველი ადამიანების რეალურ დახმარებასა და გაძლიერებას, საზოგადოების გულგრილობა კი ამას ხელს უწყობს.

EMC-ის განცხადებით, სიღარიბე და სოციალური უთანასწორობა ქვეყანაში ერთ-ერთი ყველაზე დიდი და სისტემური გამოწვევაა, რომლის გადასაჭრელადაც სახელმწიფოს არ აქვს არანაირი მექანიზმი. მათი თქმით, აუცილებელია სოციალური დაცვის სისტემის ტრანსფორმირება, რადგან სამართლიანად გადანაწილდეს სახელმწიფოს ფინანსური რესურსი. ასევე, საჭიროა შესახლებული პირების საჭიროებებისა და საცხოვრებელი გარემოს შეფასება, რამდენად უსაფრთხო გარემოში უწევთ ცხოვრება. ორგანიზაცია ფიქრობს, რომ მსგავსი პრობლემების გადასაჭრელად უნდა შეიქმნას უსახლკარო ადამიანების, მათი პრობლემების აღრიცხვის ეფექტური მეთოდი.

ბაღდათში, წერეთლის ქუჩაზე ხანძარს ექვსი ადამიანის სიცოცხლე ემსხვერპლა. გარდაცვლილია ოთხი ბავშვი, ორსული ქალი და ხანშიშესული ქალი. არსებული ინფორმაციით, ოჯახი სოციალურად დაუცველი იყო და მიტოვებულ სახლში თვითნებურად იყო შესახლებული.