ცესკოს 3 საათის მონაცემებით, არჩევნებზე თავისი არჩევანი სულ 626954 ამომრჩეველმა დააფიქსირა, რაც რეგისტრირებული ამომრჩევლის 25,3 პროცენტია.

უწყების ცნობით, მაღალი აქტივობით - 43 პროცენტით მცხეთის ოლქი გამოირჩევა, ყველაზე დაბალი აქტივობით - 14 პროცენტით კი გორის ოლქი.

ცესკოს პრესსპიკერის, ანა მიქელაძის განცხადებით, მთაწმინდის ოლქში რამდენიმე მარკირებიანი ამომრჩეველი მივიდა, რომლებმაც განაცხადეს, რომ მარკირება 8 ოქტომბრის არჩევნებიდან დარჩათ:

"მათ კომისიამ ხმის მიცემის უფლება არ მისცა. ისნის ოლქში დაფიქსირდა 2 დაკვირვებლის მიერ ყალბი აკრედიტაციის გამოყენების ფაქტი. ასევე მცხეთის ოლქში საკრებულოს წევრი და გამგებლის მოადგილე ცდილობდნენ სადამკვირვებლო ორანიზაციის ეგიდით დაკვირვებოდნენ არჩევნებს".