ქართული ოცნების წევრი და გარემოს დაცვის კომიტეტის თავმჯდომარე, ნინო წილოსანი მიიჩნევს, რომ ყველაზე დიდი ლობისტობა ის რეალობაა, რაც ქვეყანაში ხდება. ეს შეფასება მან მთავრობის მიერ, ამერიკასთან ურთიერთობის განმტკიცებისთვის, ლობისტური კომპანიის დაქირავებასთან დაკავშირებით გააკეთა.

"ვფიქრობ, ყველაზე დიდი ლობისტობა არის ის რეალობა, რაც ქვეყანაში ხდება და ვფიქრობ, ამ თემასთან დაკავშირებით ჩვენი გუნდის წევრები მაქსიმალურ ინფორმაციას მიაწვდიან ჩვენს პარტნიორებს", — თქვა ნინო წილოსანმა ფორმულასთან საუბრისას.

საქართველოს მთავრობამ აშშ-სთან ურთიერთობების განმტკიცებისა და კავშირების დამყარებისთვის ლობისტურ კომპანია Chartwell strategy group-თან ხელშეკრულება განაახლა. დოკუმენტი 27 იანვრით თარიღდება და აშშ-ს იუსტიციის დეპარტამენტის გვერდზეა განთავსებული.

ამ ლობისტურ კომპანიას საქართველოს მთავრობა, მომსახურებისთვის ანაზღაურების სახით, 2019 წლის ხელშეკრულებით ყოველთვიურად 65 ათას დოლარს უხდიდა.