ევროკავშირი ჩინეთს კორონავირუსის გამო 12 ტონა დამცავ აღჭურვილობას გაუგზავნის. ამის შესახებ განცხადებას ევროკომისია ავრცელებს. მათივე ინფორმაციით, ევროკავშირის საგანგებო სიტუაციების ცენტრი კოორდინაციაშია წევრ სახელმწიფოებთან, რათა ჩინეთისთვის გასაგზავნი დამცავი აღჭურვილობის მიწოდება შეძლონ.

ევროკომისიის პრეზიდენტმა, ურსულა ფონ დერ ლეიენმა, ჩინეთის პრემირ-მინისტრთან სატელეფონო საუბრის შემდეგ განაცხადა, რომ საჭიროების შემთხვევაში ევროკავშირი მზადაა ჩინეთს დაეხმაროს, რათა კორონავირუსის გავრცელებას ხელი შეუშალონ.

ამ დროისთვის კორონავირუსის შეთხვევა 25 ქვეყანაშია დაფიქსირებული. ვირუსით გარდაცლილთა რიცხვი 300-ს აჭარბებს, დაავადებულთა კი — 14 ათასს.

ჯანდაცვის მსოფლიო ორგანიზაციამ კორონავირუსის გამო საერთაშორისო საგანგებო მდგომარეობა გამოაცხადა. ბრიფინგზე ორგანიზაციის წარმომადგენლებმა განაცხადეს, რომ ვირუსი კვლავ განაგრძობს გავრცელებას, საგანგებო რეჟიმის გამოცხადების მთავარ მიზეზად კი იმ ქვეყნების დაცვა დასახელდა, რომლებიც შეიძლება კორონავირუსთან გამკლავება თავად ვერ შეძლონ.

გაიგეთ მეტი: