საგარეო საქმეთა მინისტრი, დავით ზალკალიანი, ამერიკელი კონგრესმენების კრიტიკული წერილის შეფასებისას ამბობს, რომ მათ მაღალი დემოკრატიული სტანდარტების შესაბამისი მოთხოვნები აქვთ. მიერ საქართველოს პრემიერ-მინისტრისადმი გამოგზავნილ წერილებს გამოეხმაურა. ჟურნალისტებთან საუბარში ზალკალიანმა აღნიშნა, რომ პარტნიორების ნებისმიერი განცხადება ქვეყანაში მიმდინარე პროცესებთან დაკავშირებით აღიქმება, როგორც მეგობრების რჩევა და გამოხმაურება.

"ჩვენთვის ძალიან ძვირფასია თითოეული კონგრესმენის დამოკიდებულება საქართველოსთან მიმართებაში და მე დარწმუნებული ვარ, რომ ისინი საუბრობენ სწორედ იმ მაღალი დემოკრატიული სტანდარტების გამო, რა სტანდარტებიც ჩვენმა ქვეყანამ დააფუძნა... ამიტომ, მოლოდინებიც არის შესაბამისად მაღალი და კიდევ უფრო მეტ მოთხოვნას იწვევს ჩვენი სტრატეგიული პარტნიორებისგან", — განაცხადა დავით ზალკალიანმა.

24 იანვარს საქართველოს მთავრობას კრიტიკული გზავნილები კიდევ ორმა კონგრესმენმა გამოუგზავნა. კონგრესმენმა ბრაიან ბაბინიმ დაწერა, რომ ქვეყნის ისტორიაში პირველად, საქართველო და ქვეყნისთვის გაწეული რესურსები საფრთხილო და ნეგატიურ კონტექსტში განიხილება. კონგრესმენმა პეტ ოლსონმა კი განაცხადა, რომ კორუმპირებული საქართველოს მთავრობა თავს ესხმის დემოკრატიულ ღირებულებებს.

ამერიკელმა კონგრესმენებმა საქართველოს პრემიერ-მინისტრს რამდენიმე კრიტიკული წერილი მისწერეს, რომელშიც სხვადასხვა საკითხს ეხმიანებიან, მათ შორის ანაკლიის პორტს, ოპოზიციის ლიდერების წინააღმდეგ მიმდინარე გამოძიებებსა, არჩევნებსა და მედიას.

გუშინ, 26 იანვარს, ერთიანმა ნაციონალური მოძრაობამ სენატორ როჯერ ვიკერის წერილი გაასაჯაროვა. მათი თქმით, წერილი სენატორმა გიორგი გახარიას დეკემბრის თვეში გამოუგზავნა. გასაჯაროებულ წერილში სენატორი აღნიშნავს, რომ წარმატებული დემოკრატიული წინსვლასთან დაკავშირებით ბოლოდროინდელ მოვლენებზე შეშფოთებულია.

გაიგეთ მეტი: