წეროვანში მარო მაყაშვილის სახელობის სამხედრო მოსამსახურეთა სარეაბილიტაციო ცენტრი გაიხსნა, რომელიც აშშ-სთან თანამშრომლობით აშენდა. ერთობლივი პროექტის მხარდასაჭერად ამერიკის მთავრობამ 4,5 მილიონი დოლარი გამოყო. ამის შესახებ ინფორმაციას თავდაცვის სამინისტრო ავრცელებს. მათივე ცნობით, ახალი ცენტრში დაჭრილი და დაშავებული სამხედროების ფიზიკური და ფსიქოლოგიური რეაბილიტაციისთვის დახმარებას გაუწევენ.

აშშ-ს ელჩის მოვალეობის შემსრულებელმა, ელიზაბეთ რუდმა სარეაბილიტაციო ცენტრის გახსნისას ქართველ სამხედრო მოსამსახურეებს მადლობა გადაუხადა და განაცხადა, რომ აშშ ქართველ პარტნიორებთან ერთად მხარდამხარ ბრძოლას აგრძელებს.

"აშშ ამაყობს, რომ საქართველო ჩვენი მნიშვნელოვანი პარტნიორია. ჩვენი
ერთგულება საქართველოს მიმართ მომავალშიც გაგრძელდება ახალი ცენტრი საქართველოს დაშავებულ მებრძოლთა პროგრამების ახალი დასაწყისია.ჩვენ თავად ვიხილეთ ქართველი ჯარისკაცების სიმამაცე და სანდოობა ბრძოლის ველზე. ეს გახლავთ შთამბეჭდავი მაგალითი საქართველოს ერთგულებისა მშვიდობისა და უსაფრთხოების მიმართ როგორც ქვეყნის შინგით, ასევე მის ფარგლებს გარეთ. ჩვენ ვალში ვართ მათ წინაშე, ვინც უდიდესი მსხვერპლი გაიღო და ვალში ვართ ჩვენი დაშავებული მეომრებისა და მათი ოჯახების წინაშე", — განაცხადა ელიზაბეთ რუდმა.