სახელმწიფო უსაფრთხოების სამსახურში უარყოფენ გიორგი დვალიშვილის ინფორმაციას, რომ მის ოჯახს უთვალთვალებენ. სუს-ში თვალთვალთან დაკავშირებით ამბობენ, რომ ეს "სრულიად უსაფუძვლო და პოლიტიკურად მოტივირებულ ბრალდებებია".

"სახელმწიფო უსაფრთხოების სამსახური კატეგორიულად უარყოფს ერთიანი ნაციონალური მოძრაობის სრულიად უსაფუძვლო და პოლიტიკურად მოტივირებულ ბრალდებებს. აღსანიშნავია, რომ სხვადასხვა დროს კონკრეტული პოლიტიკური ძალებისა და მათი აქტივისტების მიერ სახელმწიფო უსაფრთხოების სამსახურის მისამართით გავრცელებული მსგავი ბრალდებები არ ეფუძნება ფაქტებსა და მტკიცებულებებს და მხოლოდ უწყების დისკრედიტაციას და პოლიტიკურ მიზნებს ემსახურება", — ნათქვამია სუს-ის განცხადებაში.

დღეს, 26 იანვარს, საპატრულო პოლიციის თანამშრომელმა გიორგი დვალიშვილმა, რომელმაც ლევან იზორიას ძმის დაკავებისა და მის გათავისუფლებას ჩარევის შემდეგ მისი გათავისუფლების ვიდეო გაასაჯაროვა, განაცხადა, რომ მის ოჯახს უთვალთვალებენ. ამის შესახებ გიორგი დვალიშვილმა სახელმწიფო უსაფრთხოების შენობასთან გამართულ ბრიფინგზე თქვა, სადაც მასთან ერთად ნაციონალური მოძრაობის წერვი ხატია დეკანოიძეც იმყოფებოდა.