იმისათვის, რომ გმირი იყო, სულაც არ არის აუცილებელი, რომ ზებუნებრივ შესაძლებლობებს ფლობდე და ამაში ეს გულისამაჩუყებელი ისტორიაც დაგარწმუნებთ.

დღეს ნიუ-იორკელ ბიჭზე მოგიყვებით, რომელიც უქმე დღეებში თავშესაფარში მცხოვრებ უსახლკარო ძაღლებს საინტერესო წიგნებს უკითხავს.

დიახ, ის აგვისტოდან მოყოლებული წიგნების კითხვის უმცროსი მოხალისეა მანჰეტენისა და ბრუკლინის ცხოველთა თავშესაფრებში.

ყველაფერი მას შემდეგ დაიწყო, რაც ბიჭის დედამ ქუჩაში ძაღლი იპოვა და შვილთან ერთად თავშესაფარში წაიყვანა — შედეგად არა მხოლოდ ძაღლის გაჩუქებაში მიიღო მონაწილეობა, არამედ იქ ძაღლებისთვის წიგნების კითხვის პროგრამის შესახებაც გაიგო.

"ყოველთვის მინდოდა ძაღლებთან მემუშავა და აღფრთოვანებული ვიყავი, როდესაც მითხრეს, რომ შემეძლო მათთვის წიგნები წამეკითხა", — ამბობს 10 წლის ბიჭი.

სამწუხაროდ ბევრი ძაღლისთვის თავშესაფარში ყოფნა სტრესთან არის დაკავშირებული, კითხვა კი მათ დამშვიდებაში ეხმარებათ.