სახელწმიფო ინსპექტორის სამსახურის განცხადებით, იუსტიციის მინისტრის მიერ გასაჯაროებულ ვიდეოზე, რომელიც პენიტენციურ დაწესებულებაში ომბუდსმენის წარმომადგენლის ვიზიტს ასახავს შემოწმება დაიწყეს. უწყებაში განმარტავენ, რომ ვიდეოჩანაწერების მოპოვების, შენახვისა და გამჟღავნების კანონიერების შესწავლა ომბუდსმენის წერილის ოფიციალურად მიღებამდე დაიწყო.

თეა წულუკიანმა ციხის მონიტორინგის კადრები პარლამენტში მოსმენის დროს გაასაჯაროვა. არასამთავრობო ორგანიზაციებმა ეს ფაქტი კანონისა და საერთაშორისო ვალდებულებების დარღვევად შეაფასეს. მათი განცხადებით, იუსტიციის მინისტრის ეს ქმედება მისი პოლიტიკური პასუხისმგებლობის დაყენების საფუძველი უნდა გახდეს.

ლომჯარიამ განაცხადა, რომ კადრების რამდენიმე თვით დაარქივებისა და გასაჯაროების გამო წულუკიანს სახელმწიფო ინსპექტორის აპარატში უჩივლებდა.