საქართველოს პრეზიდენტი სალომე ზურაბიშვილი ჩიჩილაკისა და კალანდობის საკითხზე კულტურული მემკვიდრეობის სააგენტოს ხელმძღვანელს შეხვდა. ნიკოლოზ ანთიძის განცხადებით, პრეზიდენტს ძალიან კარგი ინიციატივა აქვს, რაც "ჩვენი იდენტობის კიდევ ერთხელ წარმოჩენას" შეუწყობს ხელს. მისივე თქმით, ამ საკითხზე უკვე მუშაობენ.

ჩიჩილაკისა და კალანდობის არამატერიალურ კულტურულ ძეგლად აღიარების სურვილი პრეზიდენტმა გურიაში კალანდა 2020-ის დღესასწაულზე გამოთქვა.

"ვთხოვ მემკვიდრეობის სააგენტოს და ამაში მეც შევიტან წვლილს, რომ შემდეგ გავიტანოთ იუნესკოში, რომ ეს მსოფლიო არამატერიალურ სიაში შევიდეს. ეს არის ძალინ ძლიერი ნიშანი, ამავე დროს, ეს არის ძალიან ეკოლოგიური. ჩვენ, მართალია, მთელ მსოფლიოში მოვფინეთ ჩვენი ნაძვის ხე, მაგრამ ეს არის უფრო ეკოლოგიური და ეს არის უფრო ქართული, ამიტომ ჩიჩილაკი იყოს ამ წლის ბედნიერების მომტანი", — თქვა სალომე ზურაბიშვილმა