ფიბი უოლერ-ბრიჯმა კიდევ ერთხელ თქვა, რომ Fleabag-ის მესამე სეზონის იმედი მაყურებელს არ უნდა ჰქონდეს. მინისერიალმა სამი ემი და ორი ოქროს გლობუსი დაიმსახურა.

"გადაწყვეტილება არ შემიცვლია მესამე სეზონის შესახებ. უფრო და უფრო ვრწმუნდები, რომ ეს სწორი არჩევანია. ეს ჯილდოები საშუალებას მაძლევს ლამაზად ვთქვა "ნახვამდის", მაგრამ ყოველ ჯერზე იმდენი დამშვიდობება მიწევს..." — თქვა სერიალის სცენარისტმა და მსახიობმა ოქროს გლობუსის კულისებში.

უოლერ-ბრიჯი ფილმის სცენარს წერს, თუმცა მისი თქმით, მაყურებელს მოცდა მოუწევს.

ჟურნალისტებმა ასევე ჰკითხეს, სურდა თუ არა სერიალის გადაღება ბარაკ ობამასთან ერთად.

"მგონი მის შესახებ საკმარისი უკვე ვთქვი", — უპასუხა ფიბიმ.

ობამამ ცოტა ხნის წინ დაასახელა ფლიბეგი გასული წლის ერთ-ერთ ფავორიტ სერიალად. პირველ სეზონში უოლერ-ბრიჯის გმირს სექსუალური ფანტაზიები აშშ-ს ყოფილი პრეზიდენტის მიმართ აქვს.

"მადლობა ობამა, რომ ჩვენი შოუ შენს სიაში შეიყვანე. ზოგმა თქვენგანმა იცით, რომ ის ყოველთვის იყო ჩემს სიაში", — ამ გულწრფელი ხუმრობით უპასუხა ფლიბეგის სცენარისტმა ოქროს გლობუსის ერთ-ერთ ჯილდოს.

ასევე იხილეთ: