ავსტრალიაში ბოლო დროის ერთ-ერთი ყველაზე მასშტაბური და გამანადგურებელი ხანძარი მძვინრვარებს, რომელმაც უკვე 24 ადამიანისა და ნახევარი მილიონი ცხოველის სიცოცხლე იმსხვერპლა. კვამლმა უკვე სამხრეთ ამერიკასაც კი მიაღწია.

ექსპერტების თქმით, კლიმატის ცვლილება, რომელმაც განსაკუთრებულად მშრალი და უნალექო ზაფხული გამოიწვია, ბუნებრივ კატასტროფებს კიდევ უფრო გამანადგურებელს ხდის.

სტიქიასთან ბრძოლაში მეხანძრეების გარდა, ათასობით მოხალისეა ჩართული და მათ მათავარ მიზანს ხანძრის ჩაქრობასთან ერთად, რაც შეიძლება მეტი სიცოცხლის გადარჩენა წარმოადგენს.

მათ შორის არიან ავსტრალიელი ახალგაზრდები, 19 წლის კუნისი და 18 წლის კალები, რომლებიც ხანძრის ეპიცენტრში წავიდნენ და ერთი მანქანა კოალები გადაარჩინეს.

ფოტო: Alternative 666

ბოლო ინფორმაციის თანახმად ხანძარმა ავსტრალიაში უკვე ასობით კოალა (მათი პოპულაციის 60%) იმსხვერპლა, რამაც ეს სახეობა გადაშენების პირას მიიყვანა. ასეთი მძიმე რეალობის გათვალისწინებით კი თითოეული კოალას გადარჩენა გმირობის ტოლფასიც კია.

ფოტო: Alternative 666

ბიჭებმა კოალები საკუთარ მანქანაში ჩასვეს და უსაფრთხო ადგილას გადაიყვანეს. მათი მიზანი ცხოველების განმოჯანმრთელება და შემდეგ უკვე ველურ ბუნებაში დაბრუნებაა.

ფოტო: Alternative 666

კუნისმა და ქალებიმ ინტერნეტში გადარჩენილი ცხოველების ემოციური ვიდეოც გაავრცელეს:

"ეს ჩვენი პატარა წვლილია. უბრალოდ ვცდილობთ, რომ რაც შეიძლება მეტი კოალა ვიპოვოთ და გადავარჩინოთ", — ამბობენ ავსტრალიელი თინეიჯერები.