თურქეთის პრეზიდენტის, რეჯეპ ტაიპ ერდოღანის თქმით, თურქი სამხედროები ლიბიისკენ დაიძრნენ. ამის შესახებ მან CNN Turk-ის ეთერში ისაუბრა.

პრეზიდენტის თქმით, თურქეთი მხარს უჭერს ლიბიის კანონიერ ხელისუფლებას. ჯარების მისია კი კოორდინაცია და საოპერაციო ცენტრის შექმნა იქნება.

როიტერსი წერს, რომ ლიბიის მთავრობამ თურქეთს დახმარება გასულ კვირას სთხოვა. ლიბია დახმარებას ითხოვდა გენერალ ხალიფა ჰაფთარის ძალების მიერ განხორციელებულ იერიშებში. ხალიფა ჰაფთარს მხარს უჭერენ რუსეთი, ეგვიპტე, არაბეთის გაერთიანებული საემიროები და იორდანია.

გამოცემა წერს, რომ შაბათს, ლიბიის დედაქალაქში სამხედრო აკადემიასთან თავდასხმის შედეგად, მინიმუმ 30 ადამიანი დაიღუპა და 33 ადამიანი დაიჭრა. თურქეთმა დაგმო შეტევა და მოუწოდა საერთაშორისო ნაბიჯებს ცეცხლის შეწყვეტის მისაღწევად.

მათივე ინფორმაციით, ლიბიის მთავრობის ოფიციალურ წარმომადგენლები თურქეთის ჯარების ჩასვლასთან დაკავშირებით კომენტარს არ აკეთებენ.