დღეს, 3 იანვარს, საოკუპაციო რეჟიმმა პერევი-ქარძმანის ე.წ. სასაზღვრო პუნქტი გახსნა. დე ფაქტო ხელისუფლებამ ის წინასაახალწლო დღეებში "უსაფრთხოების გამო" ჩაკეტა. მოქალაქეებს ოკუპირებული ტერიტორიიდან საქართველოს კონტროლირებად ტერიტორიაზე გადასვლა უკვე შეუძლათ.

ოკუპირებული ცხინვალში პერევის ე.წ. სასაზღვრო პუნქტი სექტემბერშიც ჩაიკეტა. მაშინ საოკუპაციო რეჟიმის წარმომადგენლებმა თქვეს, რომ ჩაკეტვა რესპუბლიკის დღისადმი მიძღვნილ ღონისძიებებს უკავშირდებოდა.

პერევის გარდა უკვე რამდენიმე თვეა ჩაკეტილი რჩება ახალგორის ე.წ. გამშვები პუნქტები, რაც ოკუპირებულ ტერიტორიაზე ჰუმანიტარულ კრიზისს იწვევს. ამ ხნის განმავლობაში გადაადგილება მკაცრად კონტროლდებოდა და მოქალაქეებს სამედიცინო დახმარების მიღების საშუალებასაც არ აძლევდნენ.