საახალწლოდ მოსკოვის ცენტრში ხელოვნური თოვლი შეიტანეს. ტვერსკაიას ქუჩაზე თოვლის 28 დეკემბერს გაჩნდა. როგორც მოსკოვის მერიაში განმარტეს, ხელოვნური თოვლი მათ სნოუბორდისთვის სასრიალო ტრასის გასაკეთებლად მიიტანეს.

მოსკოვში წელიწადის ამ დროისთვის უჩვეულოდ თბილა, რის გამოც ქალაქში თოვლი არ მოდის. ხელოვნური თოვლის შეტანის შემდეგ მოსკოვის ცენტრალური ქუჩები მანქანებისთვის გადაკეტეს, ღამე კი თოვლი შემოღობეს.

რუსეთის დედაქალაქში ხელოვნური თოვლის შეტანას სოციალურ ქსელში მოქალაქეებიც გამოეხმაურნენ.

"მოსკოვის ბიუჯეტზე ყველაფრის ყიდვა შეიძლება — ზამთრისაც", — წერს ტვიტერზე ერთ-ერთი გვერდი.

"ტვერსკაიაზე წლის მთავარი ღირშესანიშნაობა შემოღობეს — თოვლი".

"ეს მთელი თოვლია მოსკოვში. მას წითელ მოედანზე იცავენ".