სადგურის მოედნის მეტროსადგურზე კაცი ლიანდაგებში ჩავარდა. როგორც სატრანსპორტო კომპანიაში On.ge-ს უთხრეს, კაცი შემომავალი მატარებლის დროს ჩავარდა. მათივე თქმით, ის გადარჩა და კლინკაშია გადაყვანილი. შემთხვევა 12:15 საათზე მოხდა.

"მას შემდეგ რაც მგზავრი ჩავარდა, უსაფრთხოების ზომებიდან გამომდინარე ძაბვის მიწოდება შეწყდა, რის გამო მეტრო ზონალურად მუშაობდა დიდუბიდან ახმეტელის სადგურამდე. მგზავრის ამოყვანიდან ნახევარ საათში კი მეტრომ ჩვეულებრივად გააგრძელა მუშაობა", — აცხადებენ კომპანიაში.