ირაკლი კობახიძის თქმით, "სატელევიზიო სივრცეში დეზინფორმაციაზე" კანონპროექტი მოამზადეს
![](http://phoebe.on.ge/2019/06/09/675ff6f2-6347-4de0-be5b-5f4204c4d008.jpg)
ფოტო: ქართული ოცნება
ფეისბუქის მიერ მთავრობასთან დაკავშირებული ასობით ყალბი გვერდის გაუქმების შესახებ საუბრისას, ქართული ოცნების დეპუტატმა ირაკლი კობახიძემ განაცხადა, რომ დეზინფორმაცია არა მხოლოდ ფეისბუქში, არამედ, სატელევიზიო სივრცეშიცაა. ამის შესახებ კობახიძემ დღეს, 24 დეკემბერს ქართული ოცნების ოფისში ჟურნალისტებთან ისაუბრა. მისი თქმით, დეზინფორმაციის წინააღმდეგ პარლამენტში ინიცირებული აქვთ კანონპროექტების პაკეტი.
"მარტო ფეისბუქი ხომ არაა პრობლემა, პრობლემა გვაქვს სატელევიზიო სივრცეშიც, სადაც ყოველდღიურად ვრცელდება დეზინფორმაცია და აგრესია... როდესაც კონკრეტული ტელევიზია დედას აგინებს სხვას", — ამბობს კობახიძე და აღნიშნავს იმასაც, რომ ამ პროექტს იმ არასამთავრობოებთან ერთად განიხილავენ, რომლებიც დღეს საუბრობენ დეზინფორმაციაზე.
იანვარში მსგავსი განცხადება, კერძოდ ცილისწამების შესახებ კანონის შემოღებაზე, პრეზიდენტმა გააჟღერა. სალომე ზურაბიშვილის თქმით, ამ საკითხს ხშირად აპირისპირებენ გამოხატვის თავისუფლების შეზღუდვასთან, თუმცა თავად ასე არ ფიქრობს.
ცილისწამების პრობლემაზე პირველად ყურადღება სალომე ზურაბიშვილმა საახალწლო მილოცვაში გაამახვილა. ზურაბიშვილის შემდეგ ამ საკითხზე საჯაროდ მართლმადიდებელი ეკლესიის პატრიარქმა, ილია მეორემ ისაუბრა. საშობაო ეპისტოლეში პატრიარქმა განაცხადა, რომ ხშირად სიტყვის თავისუფლებით "ბოროტად სარგებლობენ". მისი თქმით, "დიდი მცდელობაა, რომ სიტყვის თავისუფლება დამახინჯებულად აღიქმებოდეს".
პატრიარქის საშობაო ეპისტოლეს მაშინ პარლამენტის თავმჯდომარე ირაკლი კობახიძეც გამოეხმაურა და განაცხადა, რომ "სიტყვით ძალადობა სერიოზული პრობლემაა" და აუცილებელია "შესაბამისი ზომების მიღება".
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები