მსოფლიოში იმ მილიონობით ადამიანისთვის, ვისაც ჰარი პოტერის სერიის წიგნები წაუკითხავს ან ამავე სახელწოდების მქონე ფილმები უნახავს, საშობაო თუ საახალწლო განწყობა პირველ რიგში სწორედ ჯადოსნურ სკოლას — ჰოგვორტს ახსენებს.

ან როგორ შეიძლება ასე არ იყოს, როცა მსოფლიოში ამ საუკეთესო მეგობრების თავგადასავლების შესახებ ამდენი გვსმენია?

როგორც ჩანს, წელიწადის ამ პერიოდში არა მხოლოდ ჩვენ, ერთგულ გულშემატკივრებს გვახსენდება ჰარი პოტერის მაგიური სამყარო, არამედ იმ მსახიობებსაც, რომლებმაც ჩვენი საყვარელი გმირები გააცოცხლეს ეკრანებზე.

რამდენიმე საათის წინ დრაკო მალფოის როლის შემსრულებელმა, ტომ ფელტონმა ინსტაგრამის პირად გვერდზე ფოტო გამოაქვეყნა, რომელზეც ჰერმიონ გრეინჯერის, ლუნა ლავგუდის, ჯინი უიზლისა და ნევილ ლოგბოტომის როლის შემსრულებლებთან ერთად საშობაო წვეულებაზე იმყოფება.

როგორ შეიძლება ამას უემოციოდ შეხედო?

იგივე ფოტო ემა უოტსონმაც გამოაქვეყნა და ასე მოგვილოცა ყველას მომავალი შობა.

View this post on Instagram

Merry Christmas from us ☺️

A post shared by Emma Watson (@emmawatson) on

მათი ერთად ხილვა, რა თქმა უნდა, გვახარებს, მაგრამ არც იმას გამოვრიცხავთ, რომ ჩუმად კვლავ ჰოგვორტსში იკრიბებიან და საშობაო წვეულებას ერთად აღნიშნავენ!

სწორედ ამით აიხსენება ის, რომ ფოტოზე ჰარი და რონი არ არიან — ალბათ, კვლავ რაღაც ხათაბალაში გაეხვნენ.