ჯიხაშკარსა და განმუხურში განმეორებითი არჩევნები მშვიდ ვითარებაში მიმდინარეობს. როგორც ჯიხაშკარის 79-ე საარჩევნო უბნის კომისიის თავჯდომარე, ვლადიმერ მირცხულავა აცხადებს, საარჩევნო პროცესი დარღვევების გარეშე მიმდინარეობს:

"რაიმე ექსცესებს ამ დროისთვის ადგილი არ ჰქონია. ერთი საჩივარია დაწერილი, მეთვალყურე, რომელმაც კაბინაში შეიჭყიტა, მაგრამ ეს დარღვევაც ადგილზევე იქნა აღმოფხვრილი. რაც შეეხება მოსახლეობის აქტივობას, დაახლოებით 50 პროცენტია".

საარჩევნო პროცესი დარღვევების გარეშე მიმდინარეობს განმუხურის 38-ე უბანზეც.

საარჩევნო უბნების მიმდებარედ ენმ-ს და ქართული ოცნების ლიდერები და მხარდამჭერები იმყოფებიან. ადგილზე მობილიზებულია საპატრულო პოლიციაც.