ენმ-ს მაჟორიტარობის კანდიდატმა, აჰმედ იმამკულიევმა ქრონიკასთან საუბარში განაცხადა, რომ მარნეულში საპატრულო პოლიციის წარმომადგენლებს გადაკეტილი ჰქონდათ საარჩევნო უბანთან მისასვლელი გზა.

ის აცხადებს, რომ შსს-ს თანამშრომლები ამომრჩევლებს საარჩევნო უბანთან მისვლის საშუალებას არ აძლევდნენ:

"პოლიციის მანქანა იდგა აქ და როდესაც ჟურნალისტები მოვიდნენ აქ, პოლიციელების მანქანა გაქრა".

ადგილზე აჰმედ იმამკულიევთან ერთად ქართული ოცნების წარმომადგენელი, მამუკა მდინარაძე მივიდა, რომელმაც იმამკულიევის განცხადებას პიარ კამპანია უწოდა. მან ასევე განმარტა, რომ საპატრულო ეკიპაჟი სიტუაციას არეგულირებდა:

"თუკი რაიმე შეფერხება იქნება, ერთად გავიაროთ, რომ როგორ გადავლახოთ პრობლემა. თუ პრობლემა არ არის, ნუ მოვიგონებთ. ჩემი თხოვნაა ეს".