რუსეთში ტელეკომპანია TNT-მ უკრაინის პრეზიდენტის, ვოლოდიმირ ზელენსკის სერიალის ხალხის მსახურის ჩვენება დაიწყო, რომელიც 2015 წელს გამოვიდა. BBC-ის რუსული სამსახურის ინფორმაციით, პირველი სერიიდან რუსეთის პრეზიდენტზე, ვლადიმერ პუტინზე ხუმრობა ამოჭრეს.

აღნიშნულ სერიალში ზელენსკი ისტორიის პრინციპულ მასწვლებელს, ვასილი გოლობოროძკოს თამაშობს, რომელიც მოულოდნელად უკრაინის პრეზიდენტი გახდება და კორუფციასთან ბრძოლას იწყებს.

სიუჟეტის მიხედვით, ახლადარჩეული პრეზიდენტი გოლობოროძკო ახალ საათსა და ტანსაცმელს ირჩევს, თანაშემწე კი უხსნის, რომ პუტინი Hublot-ის მარკის შვეიცარიულ საათს ატარებს. რაზეც ზელენსკის გმირი პასუხობს:

"პუტინი — ხუბლო?".

სწორედ ეს მომენტია ამოჭრილი იმ ვერსიიდან, რომელიც TNT-მ გაუშვა. როგორც BBC წერს, მათ ამასთან დაკავშირებით ჯერ ვერ მოიპოვეს გაზპრომ-მედიის განმარტება, რომლის შემადგენლობაშიც TNT შედის.

ზელენსკის სერიალს ხალხის მსახური რუსეთის ტელევიზიით პირველად უჩვენებენ. ამის შესახებ პარიზში პუტინისა და ზელენსკის შეხვედრის მეორე დრეს გახდა ცნობილი. როგორც კრემლის პრესსპიკერმა, დიმიტრი პესკოვმა განაცხადა, რუსეთის პრეზიდენტს სერიალი არ უნახავს და არც აპირებს მის ნახვას, რადგან ამის დრო არ აქვს.

ამავე თემაზე: