დღეს, 11 დეკემბრის პლენარულ სხდომაზე პარლამენტმა მხარი დაუჭირა მაჟორიტარი დეპუტატის, დიმიტრი ხუნდაძის დაწინაურებას, 80 ხმით არცერთის წინააღმდეგ. დიმიტრი ხუნდაძე ჯანდაცვის კომიტეტის თავმჯდომარის თანამდებობას დაიკავებს და მის წინამორბედს, აკაკი ზოიძეს ჩაანაცვლებს.

ჯანდაცვის კომიტეტის თავმჯდომარის პოსტი ვაკანტური მას შემდეგ გახდა, რაც საპარლამენტო უმრავლესობა და საპარლამენტო თანამდებობა აკაკი ზოიძემ დატოვა.

პროპორციულ საარჩევნო სისტემაზე გადასვლის კანონპროექტის ჩაგდების შემდეგ ქართული ოცნება და საპარლამენტო უმრავლესობა 12-მა დეპუტატმა დატოვა, მათ შორის სხვადასხვა კომიტეტების თავმჯდომარეებმა. წამოსულ დეპუტატებს შორის არიან ქართული ოცნების აქტიური სახეები: თამარ ჩუგოშვილი, თამარ ხულორდავა, დიმიტრი ცქიტიშვილი, ზვიად ძიძიგური, მარიამ ჯაში.