საერთაშორისო გამჭვირვალობა — საქართველოს კვლევის მიხედვით, ინფრასტრუქტურის მინისტრის პირველ მოადგილეს, ირაკლი ქარსელაძეს თანამდებობრივი პირის დეკლარაცია დარღვევით აქვს შევსებული. კერძოდ, ორგანიზაციაში ამბობენ, რომ მან მხოლოდ 5 კომპანიის დირექტორობა მიუთითა და დანარჩენი 9-ის არა.

TI-ს განცხადებით, 2019 წლის მაისის დეკლარაციის მიხედვით, ირაკლი ქარსელაძე 2018 წლის აპრილამდე იკავებდა დირექტორის თანამდებობას 5 კომპანიაში, რაც მათი თქმით, სიმართლე არ არის და ამ პერიოდში ის იმავე პოზიციაზე სხვა კომპანიებშიც მუშაობდა.

ფოტო: TI

ამავე კვლევის მიხედვით, დეკლარაციებში დარღვევები აქვს თავად ინფრასტრუქტურის მინისტრსაც, რასაც ცქიტიშვილი უარყოფს.

კვლევის მიხედვით, საქართველოს მინისტრებისა და მინისტრის მოადგილეების თითქმის ნახევარს, 64-დან 29-ს, უდასტურდება კომერციული ინტერესი. მათივე თქმით, აქედან 22-ს ამა თუ იმ ფორმით, დარღვეული აქვს კანონის მოთხოვნები, რომლებიც უკავშირდება კომერციული ინტერესის გამჟღავნებას და ინტერესთა შეუთავსებლობის თავიდან აცილებას.

გაიგეთ მეტი კვლევაზე: